जंगली च्याउ खाँदा घिरिङका तिन जना विरामी

दमौली, असार २२

जंगली च्याउ खाँदा घिरिङ गाउँपालिका–१ पुट्टार नयाँबस्तीमा तिन जना विरामी भएका छन् । विरामी पर्नेहरुमा घिरिङ गापा– १ पुट्टार का ६० बर्षिया लिला माया बिक, सोही ठाउँकी ४० बर्षिया कमला विक र १५ बर्षिया अनिता विक रहेका छन् ।

शनिबार दिउँसो जंगली च्याउ सेवन गरेपछि उनीहरु बिरामी परेका छन् । उनीहरुको धुलिखेल अस्पताल पुट्टारमा प्राथमिक उपचार भई थप उपचारकोलागि मेट्रो सिटी अस्पताल पाल्पा रामपुर रिफर गरिएको प्रहरी चौकी पुट्टारले जनाएको छ ।