घरघरमा भिडियो एक्सरे सेवा पुर्याउँदै तनहुँको ऋषिङ्ग गाउँपालिका

प्रहार समाचार । तनहुँ ७ असोज २०८१ सोमबार । तनहुँको ऋषिङग गाउँपालिकाले महिला सुत्केरी र अन्य बिरामी हरुका लागि लक्षित गरी भिडियो एक्सरे सेवा घरघरमा पुर्याउने भएको छ ।स्वास्थ्य मन्त्रालय स्वास्थ्य सेवा विभागबाट प्राप्त प्रोटेबल यु एस जी   (भिडियो एक्सरे मेसिन ) प्राप्त भएपछि पालिकाले उक्त सेवा घर घरमा पुर्याउन लागेको  पालिकाका अध्यक्ष राजेन्द्र कृष्ण श्रेष्ठले बताए ।

झोलामा राखेर एक ठाउँबाट अर्को ठाउँसम्म गाउँका दूरदराजमा रहेका जनताको घर दैलोमा नै सेवा पुर्‍याउन मिल्ने उक्त मेसिनको  १६ लाख ९१ हजार ७ सय ४० रुपैया मूल्य रहेको छ।  ‘ भिडियो एक्सरे मेसिन प्राप्त भएपछि अब गर्भवती महिला लगायत अन्य बिरामीहरुको भिडियो एक्सरे गर्न सहज हुने र पालिकाका जनताले सहज सेवा पाउने छन् ।

‘  अध्यक्ष श्रेष्ठले भने ।उक्त मेसिन गाउँपालिकाको पहलमा विशेषगरी स्वास्थ्यमन्त्री प्रदिप पौडेल , सांसद शंकर भण्डारी लगायतको  प्रयासबाट उक्त आधुनिक एप्पल कम्पनीको मेसिन पालिकालाई प्राप्त भएको पालिकाले जनाएको छ । 

आज उक्त मेसिनको पालिकाका अध्यक्ष राजेन्द्र कृष्ण श्रेष्ठ ,उपाध्यक्ष गिनुमाया थापा मगर , प्रमुख प्रशासकीय अधिकृत चीनबहादुर राणाभाट , जिन्सि शाखाका प्रमुख रमेश ढकाल लगायतले संयुक्त रुपमा उक्त खोलेर अवलोकन गरेका थिए । अब उक्त मेसिन स्वास्थ्य शाखा अन्तर्गत रहेर प्रत्येक वडा वडामा सेवा प्रारम्भ गरिने स्वास्थ्य शाखा प्रमुख लोकबहादुर थापाले जानकारी दिए। प्रहर समाचारबाट