घिरिङमा बालबालिकाको अपाङ्गता प्रारम्भिक पहिचान सम्बन्धि क्षमता विकास तालिम सम्पन्न 

माघ,१५ ,
तनहुँको घिरिङ गाउँपालिकाका सामुदायिक विद्यालयमा अध्ययनरत प्रारम्भिक बाल विकास देखि कक्षा तिन सम्मका बालबालिकाको अपाङ्गताको प्रारम्भिक पहिचान सम्बन्धी क्षमता विकास तालिम सम्पन्न  भएको छ । घिरिङ गाउँपालिकाका अध्यक्ष होम बहादुर थापाले  तालिम उद्घाटन गरेका थिए।

घिरिङ गाउँपालिका शिक्षा युवा तथा खेलकुद शाखाले तालिम आयोजना गरेको हो । पालिका अध्यक्ष होम बहादुर थापाको प्रमुख आतिथ्यमा गरिएको उद्घाटन कार्यक्रममा बोल्दै अपांगताको प्रकृति र व्यक्तिगत क्षमता पहिल्याएर त्यसैअनुसार बिद्यार्थीहरुको शैक्षिक योजना बनाउन सहजताको लागी प्रत्येक बिद्यालयमा बालबालिकाको अपांगताको प्रारम्भिक पहिचान गर्न  गाउँपालिका अध्यक्ष थापाले बताउनुभएको छ् ।

घिरिङ गाउँपालिकाकी उपाध्यक्ष राधादेवि अधिकारीले प्रत्येक बिद्यालयका एक–एक जना शिक्षकलाई बालबालिकाको अपांगताको प्रारम्भिक पहिचान सम्बन्धी क्षमता बिकास तालिम दिईएको बताउनु भयो । बालबालिकाको अपांगताको प्रारम्भिक पहिचानले शिक्षामा गुणस्तर सुधार ल्याउनेमा ठुलो सहयोग मिल्ने उपाध्यक्ष अधिकारीले बताईन ।

तालिममा गाउँपालिका  क्षेत्रका सामुदायिक विद्यालयका ३६ विद्यालयका शिक्षक शिक्षिका सहभागी भएका थिए । बालबिकास देखि कक्षा ३ सम्मका बिद्यार्थीहरुको अपांगताको प्रारम्भिक पहिचान सम्बन्धी बिद्यालयहरुलाई क्षमता बिकास तालिम  गरिएको शिक्षा शाखा प्रमुख कृष्ण प्रसाद सुवेदीले बताउनुभयो ।कार्यक्रमको प्रशिक्षक शिक्षा युवा तथा खेलकुद शाखा प्रमुख कृष्ण प्रसाद सुवेदी र साहेयक प्राविधिक पुष्पा थापाले सहजिकरण गर्नु भएको थियो ।

यिनहरुमा शारीरिक अपांगता, दृष्टि सम्बन्धी, सुनाई सम्बन्धी, श्रवण दृष्टिविहीन, स्वर र बोलाई सम्बन्धी, मानसिक वा मनोसामाजिक, बौद्धिक, आनुवंशिक रक्तस्राव (हेमोफिलिया) सम्बन्धी, अटिजम र बहुअपांगता रहेका छन् ।