पाल्पामा बोलेरो जिप दुर्घटना : दुई जना घाइते 

पाल्पा – आज बिहान साढे ९ बजेतिर बलेराे जिप दुर्घटना हुँदा दुई जना घाइते भएका छन् । पाल्पाको बगनासकाली गाउँपालिका–८, देउरालीमा लु १ च ५३७२ नम्बरको बोलेरो जिप दुर्घटनामा परेकाे हाे । 
कवाडी सामान बोकेर देउरालीदेखि तानसेनतर्फ गइरहेको जिप मोती गैरा भन्ने स्थानमा सडकबाट ५० मिटर तल खसेको स्थानीयले बताएका छन् ।
दुर्घटनामा परी जिप चालक कुशल न्यौपानेसहित दुई जना घाइते भएका छन्। उनीहरूलाई  उपचारका लागि पाल्पा मिसन अस्पतालमा भर्ना गरिएकाे छ ।