कावासोती नगरपालिकाद्वारा होर्डिङ बोर्ड हटाउ अल्टिमेटम

तिर्थराज काफ्ले कावासोती, — कावासोती नगरपालिकाले सार्वजनिक सडक तथा फुटपाथमा अव्यवस्थित रूपमा राखिएका होर्डिङ बोर्ड हटाउनका लागि सात दिनको समय दिएको छ। 
पूर्व पश्चिम राजमार्गको चौक–चौक तथा सडक किनारमा राखिएका विज्ञापन बोर्डहरू नगरको सौन्दर्य र ट्राफिक व्यवस्थापनमा अवरोध हुने गरेको भन्दै नगरपालिकाले बोर्डहरू हटाउन अनुरोध गरेको हो।

नगरका प्रमुख प्रशासकीय अधिकृत लिलाराज पौडेलले हस्ताक्षरित सूचनामा उल्लेख गरिएअनुसार, तोकिएको समयभित्र स्वेच्छाले बोर्ड नहटाए नगरपालिकाले आफैं हटाउने र कानुन अनुसार कारवाहि जनाएको छ।

नगरपालिकाले सबै सरोकारवाला निकाय तथा व्यवसायीहरूलाई स्वेच्छाले होर्डिङ बोर्ड हटाउन आग्रह गरेको छ।