बिनयी खोलामा डाइभर्सन बग्दा पूर्व–पश्चिम राजमार्ग अवरुद्ध, यात्रुवाहक बस बग्यो

तिर्थराज काफ्ले कावासाेती
बिनयी त्रिवेणी गाउँपालिका–१ स्थित पूर्व–पश्चिम राजमार्ग अन्तर्गत बिनयी खोलामा बनेको अस्थायी डाइभर्सन बग्दा सडक दुईतर्फी अवरुद्ध भएको छ।

आज बिहान १  बजे तिर खोलाको पानीको बहाव एक्कासी बढेपछि डाइभर्सनमाथिबाट बगेर बाटो बन्द भएको हो। उक्त डाइभर्सनमा काठमाडौँबाट नेपालगञ्जतर्फ जाँदै गरेको भे १ ख ४०८५ नम्बरको यात्रुवाहक बस समेत फसेको थियो।

 बिहान २:४५ बजे सम्ममा बसमा सवार २४ जना यात्रुहरूको सकुशल उद्धार गरिएको थियाे। तर बस भने खोलाको बहावमा परेर बगिएको थियो।

बिहान ६:२५ बजे फसेको बस डाइभर्सनबाट करिब ५०० मिटर दक्षिणतिर फेला परेको जिल्ला प्रहरी कार्यालयले जानकारी दिएको छ।

सडक अवरुद्ध हुँदा दुईतर्फी सवारी आवागमन रोकिएको छ भने बिनयी खोलाको पानी घट्ने प्रतीक्षा गरिएको छ।