नवलपरासीमा जापानीज इन्सेफलाइटिसबाट एक पुरुषको मृत्यु

तिर्थराज काफ्ले कावासाेती
नवलपरासी (बर्दघाट सुस्तापूर्व) — नवलपरासीमा लामखुट्टेको टोकाइबाट सर्ने रोग जापानीज इन्सेफलाइटिस का कारण एक व्यक्तिको मृत्यु भएको छ।

मृत्यु हुनेमा मध्यविन्दु नगरपालिका–१ पतवारीका ५२ वर्षीय पुरुष रहेका छन्। उनी केही दिनदेखि बिरामी परेपछि उपचारका क्रममा मृत्यु भएको प्रदेश जनस्वास्थ्य कार्यालय नवलपरासी (बर्दघाट सुस्तापूर्व) का सूचना अधिकारी छविलाल सुबेदीले जानकारी दिनुभयो।

स्वास्थ्य कार्यालयका अनुसार वर्षा र गर्मीको समयमा यो रोगको जोखिम बढी हुने भएकाले सरसफाइमा ध्यान दिन र लामखुट्टेको टोकाइबाट जोगिन सतर्कता अपनाउन आग्रह गरिएको छ।