मदन भण्डारी विचारधारा विद्यार्थी फोरमको प्रवक्तामा नवलपुर कि मनिषा

कावासोती
 जननेता मदन भण्डारीद्वारा प्रतिपादित ‘जनताको बहुदलीय जनवाद’ (जबज) को विचारधारालाई आत्मसाथ गर्ने नयाँ पुस्ता (जेनजी) युवा विद्यार्थीहरूले मदन भण्डारी विचारधारा विद्यार्थी फोरम गठन गरिएको छ ।
४ जना पदाधिकारी (संयोजक, सह–संयोजक र प्रवक्ता) सहित १८६ जना सदस्य गरी १९० सदस्यीय कमिटी गठन गरिएको हो ।
अधिवक्ता समीर रिजाल संयोजक रहने गरी गठन गरिएको फोरममा सह–संयोजकमा विवेक तमु र अभि विश्वकर्मा रहेका छन् । त्यस्तै प्रवक्ताको जिम्मेवारी मनीषा पौडेलले पाएकी छन् । मनिषा नवलपुर कावासोतीकी बासिन्दा रहेकी छन । अनेरास्ववियु मध्यविन्दु कलेक प्रारम्भीक कमिटि अध्यक्ष, स्वतन्त्र विद्यार्थी युनियन मध्यविन्दु कलेजको कोषाध्यक्ष हुदै गत सम्पन्न अनेरास्ववियुको राष्ट्रिय महाधिवेशनबाट केन्द्रिय सदस्य समेत बनेकि थिईन । गत भाद्र २३ गते भएको जेनजी आन्दोलनको क्रममा भाद्र २४ गते अनेरास्ववियु र पाटीको साधारण सदस्यता समेत परित्याग गरी जेनजी आन्दोलनमा एक्यवद्धक्ता जनाएकी थिईन । 
नवलपुर जेसीज वर्ष २०२५ कि महासचिव समेत रहेकी छन । 
फोरमले जबजको सान्दर्भिकतालाई राष्ट्रिय तथा अन्तर्राष्ट्रियस्तरमा विद्यार्थीमाझ स्थापित गर्ने, वैचारिक बहस सिर्जना गर्ने र मदन भण्डारीको दूर दृष्टिलाई नयाँ पुस्तामाझ जीवन्त राख्ने उद्देश्य लिएको छ।
साथै सभा, सेमिनार, र नेतृत्व विकासका विभिन्न कार्यक्रमहरू गर्दै नव पुस्तालाई नेपालको सामाजिक, आर्थिक र राजनीतिक रूपान्तरणमा सक्रिय र अर्थपूर्ण भूमिका खेल्ने गरी सक्षम बनाउने लक्ष्य समेत फोरमको उद्देश्य रहेको छ ।
विशेष कार्यशाला मङ्सिर महिनाभित्र काठमाडौँमा गर्ने तयारी गरिएको छ । मदन भण्डारी विचारधारा विद्यार्थी फोरमले जबजको प्रगतिशील सारलाई ग्रहण गर्दै राष्ट्रियता, लोकतन्त्र र सामाजिक न्याय को पक्षमा नयाँ पुस्तालाई वैचारिक रूपमा सबल र सङ्गठित बनाउने विश्वास लिइएको छ ।