वैशाख १ गते मिछुर्लुङ्गमा खुल्ला माैलिक कौराहा प्रतियोगिता हुने 

भिमाद नगरपालिका वडा नं ५ स्थित मिछुर्लुङ्ग विकास समिति द्वारा नववर्ष २०८१ को अवसरमा  खुल्ला मौलिक कौराहा प्रतियोगिता आयोजना गरिने भएको छ ।

आज भिमाद नगरपालिका वडा नं ५ मिछुर्लुङ्गको मगर लाफा भिलेज रिसोर्टमा आयोजित पत्रकार सम्मेलनमा उक्त कुराको जानकारी गराइएको हो । मगर समुदायको लोकप्रिय मौलिक नाँच कौराहाको संरक्षण सम्वर्द्धन , मिछुर्लुङ्ग सामुदायिक होमस्टेको प्रर्बद्धन , पर्यटन गतिविधिबाट स्थानीयको

आयआर्जनमा अभिवृद्धि गर्ने उद्देश्य लिई प्रतियोगिताको आयोजना गरिएको मिछुर्लुङ्ग विकास समितिका अध्यक्ष नरेन्द्र थापाले बताएका छन् । प्रतियोगितामा प्रथम , द्वितिय तृतिय र सान्त्वना हुने समुहले क्रमश ७५ हजार , ५० हजार , २५ हजार र १० हजारको साथमा प्रमाणपत्र प्राप्त गर्ने आयोजकले बताएका छन् । 
प्रतियोगितामा कौराहा प्रतियोगिता साथै लोक गायक राजु परियार , लोक गायिका शिला आले प्रस्तुती, मिछुर्लुङ्ग होमस्टे , भ्युटावर अवलोकन , आँटिछाप झरना , ढुङ्गढुङ्गे पहरा साथै अर्गानिक खाना मुख्य आकर्षणको रूपमा रहने आयोजकले जानकारी दिएका छन् 
प्रतियोगितामा सहभागीताको लागि रु.३ हजार  तोकिएको छ ।