सुन्दरीहरू राजनीतिमा : मिस हेरिटेज विभा एमाले प्रवेश

सन् २०२४ मा थाइल्याण्डमा आयोजित मिस हेरिटेज इन्टरनेसनलको उपाधि जितेकी विभा बस्नेत आइतबार सत्तारुढ दल एमाले प्रवेश गरेकी छन् । ललितपुरस्थित तुलसीलाल स्मृति भवनमा आयोजित कार्यक्रममार्फत उनी नेकपा एमालेमा प्रवेश गरेकी हुन् ।

बस्नेतलाई एमाले अध्यक्ष केपी शर्मा ओलीले पार्टीको लोगो लगाइदिएर एमालेमा स्वागत गरेका हुन् । पार्टी प्रवेश गर्न आयोजित कार्यक्रममा बस्नेतले आफू ओलीको ठूलो फ्यान भएको बताउँदै उनको भिजनसँग आफ्नो भिजन पनि मिल्ने बताइन् ।

थाइल्याण्डमा भएको प्रतिस्पर्धामा विभाले ४७ देशका प्रतियोगीलाई उछिन्दै उपाधि जितेकी थिइन् ।