एपेन्डिक्सको अप्रेसनपछि बिरामीको होस नआएको भन्दै कालिगण्डकी अस्पतालमा स्थानीयको धर्ना

नवलपुर, साउन २४ — नवलपुरको मध्यबिन्दु नगरपालिका–१० पोखरीतालका १९ वर्षीय यमराज सोतीको एपेन्डिक्सको शल्यक्रियापछि हालसम्म होसमा नआएको भन्दै स्थानीयवासीले काली गण्डकी अस्पतालमा धर्ना दिएका छन ।

ghiring

सोतीलाई सुरुमा स्थानीय मेडिकलमा टाइफाइड भएको भन्दै उपचार गरिएको थियो। त्यसपछि थप उपचारका लागि उनलाई साउन ९ गते कावासोती नगरपालिका–८ स्थित कालीगण्डकी अस्पतालमा लगिएको थियाे
अस्पतालमा एपेन्डिक्सको समस्या देखिएको भन्दै उनको शल्यक्रिया गरिएको थियो। तर, शल्यक्रिया सम्पन्न भएपछि पनि बिरामीको होस नआएपछि साउन १० गते चितवनस्थित सरकारी अस्पतालमा रिफर गरिएको परिवार तथा स्थानीयको भनाइ छ।

हालसम्म पनि सोतीको होस नआएको भन्दै घटनाबारे चिकित्सक तथा अस्पताल प्रशासनसँग जानकारी लिन र छलफल गर्न मध्यबिन्दु नगरपालिका–१० स्थानीय कालीगण्डकी अस्पतालमा पुगेका हुन ।
स्थानीयले उपचारका क्रममा के भएको हो, शल्यक्रियापछि बिरामीको अवस्था किन गम्भीर भयो र हालसम्म होसमा नआउनुको कारणबारे अस्पताल तथा चिकित्सकसँग स्पष्ट जानकारी माग गरेका छन
घटनाबारे अस्पताल प्रशासन र सम्बन्धित चिकित्सकको आधिकारिक धारणा भने आउन बाँकी रहेको छ।