हाइटेन्सन लाइनमा छोइदाँ करेन्ट लागेर २ महिलाको मृत्यु,

समर रानाभाट

२ दिन अघि

पाठक संख्या ५६

विराटनगर ३१ बैशाख
करेन्ट लागेर मोरङको रतुवामाईमा २ जनाको मृत्यु भएको छ । एक जना महिला घाइते भएकी छन् । विवाह घरमा करेन्ट लाग्दा मोरङमा दुई महिलाको मृत्यु भएको हो ।  रतुवामाई नगरपालिका– ३ मिर्चा डाँगी टोलकी ७० वर्षीया रामुदेवी गनगाईं र ७३ वर्षीया सूर्यदेवी गनगाईंको मृत्यु भएको प्रहरीले जनाएको छ । मंगललाल सिंहको छोरा निरजकुमार विवाहमा नाचगान गरिरहेका बेला उनीहरूलाई करेन्ट लागेको प्रहरीले जनाएको छ ।

प्रहरीका अनुसार विवाह घर माथि हरियो बाँस गाडेर माइक बाँधिएको थियो । राति करिब ८ बजे आएको हावाहुरीले त्यो बाँस ढलेर हाइटेन्सन लाइनमा ठोक्कियो ।  बाँसले हाइटेन्सन लाइनमा छुँदा बिहे घरमा रहेका तीन महिलालाई करेन्ट लागेको थियो । जस मध्ये दुई जनाको मृत्यु भएको मोरङ प्रहरी प्रवक्ता प्रहरी नायव उपरीक्षक वेदप्रकाश जोशीले जानकारी दिए । करेन्ट लागेर ३० को राधाकुमारी सिंह सामान्य घाइते भएकी छन् ।