राष्ट्रिय युवा संघ नेपाल नवलपुरको स्थापना दिवसमा ३९ जनाले गरे रक्तदान

समर रानाभाट

२४ घण्टा अघि

पाठक संख्या ६९

राष्ट्रिय युवा संघ नेपाल नवलपुरको स्थापना दिवसमा रक्तदान
राष्ट्रिय युवा संघ नेपालको ३६ औ स्थापना दिवसको अवसरमा बिहिबार नवलपुर जिल्लाको सदरमुकाम कावासोतीमा रक्तदान कार्यक्रम सम्पन्न गरेको छ । राष्ट्रिय युवा संघ नेपाल नवलपुर र कावासोती नगर कमिटिको आयोजना तथा नेपाल रेडक्रस शोसाईटी उप शाखा कावासोतीको प्राविधिक सहयोगमा रक्तदान कार्यक्रम आयोजना गरिएको जनाईएको छ ।
रक्तदान कार्यक्रममा ३९ जनाले रक्तदान गर्नु भएको राष्ट्रिय युवा संघ नेपाल नवलपुरका कोषाध्यक्ष प्रविन सापकोटाले जानकारी दिनुभयो । 
रक्तदान कार्यक्रमको उद्धाटन गर्दै नेकपा एमाले केन्द्रिय सदस्य एवम् संविधान सभा सदस्य कृष्ण पौडेलले युवाहरु सृजनात्मक र रचनात्मक कार्यमा लाग्नुपर्ने बताउनु भयो । 
 रक्तदानमा कार्यक्रम युवा संघ नेपाल, नवलपुका अध्यक्ष रमेस ढकालको अध्यक्षतमा सम्पन्न भएको छ ।