जनता मावि मगरकोटमा शुक्रवारीय कार्यक्रम अन्तर्गत वातावरण सरसफाइ तथा फूलबारी गोडमेल कार्यक्रम सम्पन्न

तिर्थराज काफ्ले कावासाेती 
 जनता माध्यमिक विद्यालय, कावासाेती १० मगरकोटमा शुक्रवारीय नियमित कार्यक्रम अन्तर्गत वातावरण सरसफाइ तथा फूलबारी गोडमेल कार्यक्रम सम्पन्न गरिएको छ।

विद्यालय परिसरलाई सफा, हराभरा र आकर्षक बनाउने उद्देश्यले सञ्चालन गरिएको कार्यक्रममा शिक्षक, विद्यार्थी, विद्यालय व्यवस्थापन समिति तथा स्थानीय अभिभावकहरूको समेत सक्रिय सहभागिता रहेको थियो।

कार्यक्रम अन्तर्गत विद्यालयको प्रांगण, बाटो आसपास, बगैंचा र फुलबारी क्षेत्र सरसफाइ गरिएको थियो भने फुलबारीमा गोडमेल गरी थप सौन्दर्यीकरण गरियो।

विद्यालयका प्रधानाध्यापक मनाेजकुमार श्रेष्ठले यस्तो कार्यक्रमले विद्यार्थीमा श्रमको सम्मान, वातावरणप्रति जिम्मेवारी र सामूहिक कामको भावना विकास हुने विश्वास व्यक्त गर्नुभयो।

विद्यालयले आगामी हप्ता पनि यस्तै प्रकारका गतिविधिहरूलाई निरन्तरता दिने जनाएको छ।