होस्टलमा मृत भेटिएकी नेपाली बिद्यार्थी प्रकृति लम्सालका प्रेमी समातिए

समर रानाभाट

३ महिना अघि

पाठक संख्या २३४

भारत, ओडिसास्थित बिश्वबिद्यालयको होस्टलमा मृत भेटिएकी नेपाली बिद्यार्थी प्रकृति लम्सालका प्रेमीलाई प्रहरीले समातेको छ । 

ओडिसाको भुवनेश्वरस्थित कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयको होस्टेल क्याम्पसमा बी.टेक तेस्रो वर्षकी एक नेपाली छात्रा लम्साल मृत भेटिए पछि उनका प्रेमी अद्विक श्रीवास्तवलाई प्रहरीले समातेको हो। 

सोही विश्वविद्यालयका मेकानिकल इन्जिनियरिङका विद्यार्थी समेत रहेका प्रेमीविरुद्ध प्रहरीले शारीरिक र मानसिक यातना दिएको आरोप लगाएको छ। 

मृतक लम्सालका सहपाठी विद्यार्थीहरुले प्रेमी अद्विक श्रीवास्तवबिरुद्ध उजुरी दिएपछि प्रहरीले अद्विकलाई पक्राउ गरेको हो। घटनाबारे थप अनुसन्धान भइरहेको छ। प्रारम्भिक अनुसन्धानमा अद्विकसँगको ब्रेकअपको कारणले प्रकृतिले आत्महत्या गरेको खुलासा भएको छ।

प्रकृतिको मृत्युपछि, विद्यार्थीहरूले क्याम्पस नजिकका सडकहरू अवरुद्ध गरी न्यायको माग गरेका छन्। विश्वविद्यालय क्याम्पस “हामीलाई न्याय चाहियो” को नाराले गुन्जियो। विद्यार्थीहरूले विश्वविद्यालयलाई यो घटना दबाएको आरोप लगाएका छन्।

भाइरल भएको भिडियो क्लिपमा एक विद्यार्थी भन्दैछन्, “तिनीहरू सत्यलाई दबाउन खोजिरहेका छन्। उनीहरूले उनको (मृतकको) फोन खोसे र फिर्ता दिइरहेका छैनन्। उपकुलपति र अन्य सबै विश्वविद्यालयका अधिकारीहरूले प्रमाण लुकाउन खोजिरहेका छन्।” प्रदर्शनको परिणामस्वरूप क्याम्पसको प्रवेशद्वारमा अवरोध सिर्जना भएको छ।

अन्तिम रिपोर्ट नआउन्जेलसम्म, प्रहरी बलले स्थिति व्यवस्थापन गर्न र सामान्य अवस्था पुनर्स्थापित गर्न खटिएको छ। यसैबीच, शवलाई क्यापिटल अस्पतालमा पोस्टमार्टमको लागि पठाइएको छ। प्रकृतिका अभिभावकहरूलाई घटनाबारे जानकारी गराइएको छ। ओडिसा टिभीq