मृगौला पीडितलाई ऋषिङ गाउँपालिकाको आर्थिक सहयोग

विवेक श्रेष्ठ । तनहुँ, बैशाख ४

ऋषिङ गाउँपालिकाले मृगौला पीडितलाई आर्थिक सहयोग गरेको छ । । भिमाद नपा–५ मिछुर्लुङका मृगौला पिडित राजेन्द्र थापाको मृगौला प्रत्यारोपणकालागि ऋषिङ गाउँपालिकाले ३० हजार रूपैयाँ आर्थिक सहयोग गरेको हो ।

ऋषिङ गाउँपालिका अध्यक्ष राजेन्द्रकृष्ण श्रेष्ठले मृगौला पिडित थापाको निवासमा पुगेर उक्त सहयोग रकम हस्तान्तरण गरेका थिए । रकम हस्तान्तरण गर्दै अध्यक्ष श्रेष्ठले थापाको शीघ्र स्वास्थ्य लाभको कामना गरे ।

ऋषिङ गाउँपालिकाले कार्यविधी नै बनाएर उपचारमा सहयोग गर्दै आएको छ । मानिसमा लाग्ने जटिल रोगको उपचारमा आर्थिक सहयता दिने उदेश्यले कार्यविधी बनाएर उपचारका लागि आर्थिक सहयोग गर्दै आएको अध्यक्ष श्रेष्ठले बताए ।