करेन्ट लागेर घिरिङ १५ वर्षीया बालिकाको मृत्यु

तनहुँ । जेठ, २६

तनहुँ जिल्लाको घिरिङ गाउँपालिका–४ गडौलीटारमा करेन्ट लागेर एक किशोरीको मृत्यु भएको छ।

सोमबार दिउँसो घाँस काट्ने क्रममा पिपलको रुखमा चढेकी १५ वर्षीया निर्मला कुमालको विद्युतको हाइटेन्सन लाइनमा छोइएर मृत्यु भएको हो। मृतक निर्मला महेन्द्रज्योति माविमा कक्षा १० मा अध्ययनरत थिइन्।

आमा र छोरी सँगै घाँस काट्न गएका थिए। रुखमा चढेर घाँस काट्दै गर्दा करेन्ट लागेको घटनापछि उनलाई तत्काल उद्धार गरी जिपी कोइराला श्वासप्रश्वास उपचार केन्द्र, बेलचौतार लगिएको थियो। तर चिकित्सकले उनलाई मृत घोषित गरेका थिए।q