ऋषिङमा भदौ ८ गते तीज गीत प्रतियोगिता हुने 

भदौ , ४ समर रानाभाट 
महिलाहरूको महान् पर्व हरितालिका तीजको अवसरमा  ऋषिङ गाउँपालिका आयोजनामा यही भदौ ८ गते आइतबार ऋषिङ गाउँपालिका वडा स्तरीय खुल्ला तीज गीत प्रतियोगिता हुने भएको छ । ऋषिङ -६ ढुङगाडे पार्क बिहान १० बजेबाट प्रतियोगिता सुरू हुने  भएको हो । 

प्रतियोगितामा प्रथम पुरस्कार २० हजार र प्रमाणपत्र , द्धितीय पुरस्कार १५ हजार  र तृतीय पुरस्कार १० हजार र  सहभागी  पुरस्कार ४ हजार र प्रमाणपत्र दिईने  गाउँपालिकाले जनाएको छ । 

ऋषिङमा " विकासको पुर्व र वर्तमान अवस्थाको , संघियतामा महिलाको भुमिका"  शिर्षकमा प्रतियोगिता हुन लागेको ऋषिङ गाउँपालिका अध्यक्ष राजेन्द्र कृष्ण श्रेष्ठ  बताए ।  प्रतियोगितामा सहभागी हुनका लागि टिम दर्ता भदौ ७ गते  कार्यालय समय भित्र टिम दर्ता गर्नु पर्ने र एउटा समुहमा  १० जना सहभागी गर्ने  पाउने श्रेष्ठ  जानकारी दिए ।प्रतियोगीतामा एक समुहले बढीमा १० मिनेटको समय पाउने  , बाद्यबादनमा महिला हुनु पर्ने  छ ।