मुग्लिन–नारायणगढ सडक खण्ड पुनः सञ्चालनमा

 तिर्थराज काफ्ले कावासाेती
मुग्लिन–नारायणगढ सडक खण्ड अन्तर्गत तुईन खोला पुल नजिक माथिबाट ढुंगाहरू खस्दा केही समयका लागि सवारी आवागमन अवरुद्ध भएको सडक अहिले पुनः सञ्चालनमा आएको छ।

ढुंगाहरू खस्ने क्रम रोकिएपछि मेशिनको सहायताले पहिरो हटाउने कार्य सुरु गरिएको सडक डिभिजन भरतपुरले जनाएको छ।

वर्षायाममा यो क्षेत्र पहिरोको उच्च जोखिममा पर्ने भएकाले सडक प्रयोग गर्नुअघि अवस्थाबारे जानकारी लिएर मात्रै यात्रा गर्न सम्पूर्ण सवारी साधनका चालक तथा यात्रुहरूलाई अनुरोध गरिएको छ।