भिमाद बचत तथा ऋण सहकारी संस्थाको भित्तेपात्रो विमोचन सम्पन्न

भिमाद बचत तथा ऋण सहकारी संस्था अध्यक्ष काजीमान श्रेष्ठज्यूको आतिथ्यमा नयाँ वर्ष २०८३ सालको शुभकामना आदान–प्रदान तथा भित्तेपात्रो विमोचन कार्यक्रम सम्पन्न भएको छ।

उक्त अवसरमा अध्यक्ष श्रेष्ठज्यूले सहकारी संस्थासम्बन्धी सर्वसाधारणमा देखिएका भ्रममा नपरी ढुक्कसँग कारोबार गर्न आग्रह गर्नुभयो। साथै, सहकारी संस्थाको विश्वासनीयता र पारदर्शितामा जोड दिँदै सदस्यहरूलाई सकारात्मक सहभागिताका लागि प्रेरित गर्नुभयो।

कार्यक्रममा संस्थाका सम्पूर्ण कार्यसमिति सदस्य तथा सल्लाहकारहरूको उपस्थिति रहेको थियो। सोही अवसरमा नयाँ वर्ष २०८३ सालको शुभकामना आदान–प्रदान पनि गरिएको जानकारी कार्यसमिति सदस्य सूर्य थापाले दिनुभयो।