नेकपा एमाले घिरिङ – ४ वडा कमिटिको अध्यक्षमा झक बहादुर कुमाल  

पुष, १० तनहुँ  । नेकपा एमाले घिरिङ गाउँपालिका वडा नं ४ को वडा भेला तथा दोस्रो वडा अधिवेशन बुधबार  सम्पन्न भएको छ । नेकपा एमाले घिरिङ ४ वडा कमिटीको दोस्रो वडा अधिबेशन जीवन रानाको अध्यक्षतामा र गण्डकी प्रदेश कमिटी सदस्य एबं घिरिङ गाउँपालिका अध्यक्ष होम बहादुर थापाको प्रमुख आतिथ्यतामा सम्पन्न भएको हो  । कार्यक्रममा बोल्दै अध्यक्ष थापाले जनताको हितमा काम गर्ने पाटि नेकपा एमाले रहेको बताए । हामी निर्वाचित भएदेखि यस पालिकाले जनताको घर घरमा पानी बत्ती ,विद्यालय ,स्वास्थ्य ,शिक्षामा  सडकमा फड्को मारेको बताए ।

यस गड्यौलिटार खानेपानीको काम  अन्तिम चरणमा पुगेको र यसलाई आवश्यक परेमा बजेट थप गर्ने अध्यक्ष थापाले बताए । अन्य पाटीबाट नेकपा एमालेमा दश जनाले पाटी प्रवेश  गरेका छन् । 

बुधबार  भएको अधिवेशनले झक बहादुर कुमालको अध्यक्षतामा सर्वसहमतमा २९ वडा कमिटी गठन गरिएको छ । जसको उपाध्यक्षमा जिवन थापा, सचिवमा वर्षा राना,उपसचिवमा धन माया कुमाल , प्रेमकुमारी थापा, ममता गुरूङ लगायत चयन भएका छन् । 

कार्यक्रमममा महाधिवेशन सल्लाहकार परिषद सदस्य विष्णु भक्त सिग्देल , जिल्ला सचिवालय सदस्य इन्द् बहादुर थापा, जिल्ला सदस्य एंव निर्वतामान अध्यक्ष   रन बहादुर राना , जिल्ला सदस्य एंव घिरिङ गाउँपालिका उपाध्यक्ष राधादेवि अधिकारी ,जिल्ला सल्लाहकार परिषद सदस्य नर बहादुर थापा , शेर बहादुर थापा,,घिरिङ गाउँ कमिटिका अध्यक्ष सुमन श्रेष्ठ  , सचिव धन बहादुर राना, सह सचिव मन बहादुर रानाभाट , वडा नं. ४ वडाध्यक्ष भिम बहादुर कुमाल,गाउँ कमिटि सदस्य एंव कार्यपालिका सदस्य रिमा कुमाल ,गाउँ कमिटिका सदस्य , वडा कमिटि सदस्यहरू , पाटिका विभन्न तहका नेता संगठनका अध्यक्ष तथा प्रतिनिधिहरू लगाएतको सहभागिता रहेको थियो।