पिडित रोशन विकलाई ६७ हजार ६ सय ९ आर्थिक सहयोग हस्तान्तरण 

असार २२, समर रानाभाट

ghiring

घिरिङ । आर्थिक अवस्था कमजोर भएका कारण परिवारले उपचारका लागि अस्पतालसम्म लैजान नसक्ने अवस्था भएका घिरिङ गाउँपालिका वडा नम्बर ४ फुला गुरङ्ग गाउँका रोशन विकलाई आर्थिक सहयोग प्रदान भएको छ । घिरिङ गाउँपालिका वडा नम्वर ३ का स्वास्थ्यकर्मी गोपाल विक  र वडा नम्बर ४ का समाचार कुञ्ज अनलाइनका संचालक समर रानाभाटले  पिडितलाई आर्थिक संकलन गरेको रकम रू ६७,६०९   सडसठि हजार छ सय नौ रूपैयाँ   (आज ) आइतबार घिरिङ गाउँपालिका अध्यक्ष होम बहादुर थापालाई हस्तान्तरण गरेका छन् । 

गाउँपालिका अध्यक्ष होम बहादुर थापाले हस्तान्तरण गरेको रकम पिडित विरामीलाई हस्तान्तरण गर्दै छिटै उपचारका लागि अस्पताल सम्म पुर्याउन परिवारलाई आग्रह गरेका थिए । अध्यक्ष थापाले विरामीलाई अस्पताल सम्म पुर्याउन गाउँपालिकाको एम्बुलेन्स समेत नि शुल्क उपलब्ध गराउने बताए । विदेशमा आफ्नो परिश्रम गरेर कमाएको पैसा विरामीको उपचार गर्नु पठाउनु हुने सम्पुर्ण युवाहरूलाई समेत धन्यवाद  दिएका छन् । 

सहयोग हस्तान्तरण कार्यक्रममा नेकपा एमाले घिरिङ गाउँ कमिटिका अध्यक्ष सुमन श्रेष्ठ,  घिरिङ गाउँकार्यपालिका एवं प्रवक्ता भुवन सि विक, कार्यपालिका सदस्य पार्वति विक, घिरिङ स्वास्थ्य चौकी प्रमुख पृत्तम थापा , फुला स्वास्थ्य आधारभुत चौकी प्रमुख प्रविन श्रेष्ठ ,वडा नम्बर ४ का प्रविधिक गणेश विक, गाउँपालिका प्रेस सल्लाहकार अन्जान परियार, अध्यक्षका स्वकीय सचिव भुवन थापा,समाजसेवी टोल बहादुर विक लगायतको सहभागिता  रहेका थिए । 

सहयोगहरू

अनन्त बगाले लमजुङ हाल दुबैई बाट रू १२५००विरेन्द्र रानाभाट घिरिङ ४ उम्से हाल कतारबाट रू २१०० ,मिन बहादुर थापा घिरिङ ४ रामकोट हाल दुबैई बाट रू ५५५५  क्षितिज   थापा  ३३३३