तनहुँको बन्दीपुरमा दुई बस ठोक्किँदा २९ जना घाइते, चालकको मृत्यु

काठमाडाैं- पृथ्वीराजमार्ग अन्तर्गत तनहुँको बन्दीपुर गाउँपालिका–५, नयाँपुल गोरेचौतारामा आइतबार दिउँसो ३ः५० बजे दुई बस ठोक्किदा २९ जना यात्रु घाइते भएका छन् ।

गण्डकी जिएए ००७० नम्बरको बस र भे १ ख ३४८७ नम्बरको बस एक आपसमा ठक्कर खाँदा २९ जना घाइते भएको जिल्ला प्रहरी कार्यालय तनहुँले जनाएको छ ।

घाइतेमध्ये दुई जनाको अवस्था गम्भीर रहेको जिल्ला प्रहरी कार्यालय तनहुँका प्रहरी नायब उपरिक्षक अशोक थापाले जानकारी दिए ।

घाइतेहरुको डुम्रेस्थित लक्ष्मी अस्पतालमा उपचार भइरहेको प्रहरीले जनाएको छ ।

बसमा सवार तीनजना गम्भीर रहेका छन् भने चालककाे मृत्यु भएकाे छ ।

घटनाकाे थप विवर खुलेकाे छैन ।