विद्यार्थी चढेको गाडीमा आगलागी 

प्रिय धन , १६ जेठ २०८१ 
पूर्वी नवलपरासीमा विद्यार्थी चढेको भ्यान आगलागी भएको छ l कावासोती नगरपालिका ३ अठ्ठाइस बिगाहमा रहेको  रहेको लर्ड बुद्व बोर्डिङ स्कुलको भ्यानमा आगलागी भएको प्रहरीले जनाएको छ l

 दिउँसो सवा तीन बजेतिर विद्यालयको बा ७ च ५९९३ नं.को भ्यान मन्टेश्वरी कक्षाको १२ जना बिधार्थी छोडेर फर्कने क्रममा बाटोमा सुकाएको पराल अचानक भ्यानको टायरमा अडकिन गई घर्षण हुँदा आगलागि भएको प्रहरीले जनाएको छ l 

आगो निभाउने क्रममा सवारी चालक कावासोती १० मगरकोट बस्ने वर्ष २८ का रोहित महतोको दुबै हात जलेको प्रहरीले जनाएको छ l  सबै सकुसल रहेको पनि प्रहरीले बताएको छ l   भ्यान भने पूर्णरुपमा जली नष्ट भएको र अन्दाजी पांच लाख रुपैयाँ बराबरको क्षति भएको नवलपुर प्रहरीले जनाएको छ  l घटनाबारे प्रहरीले अनुसन्धान गरिरहेको छ l