एमाले तनहुँ–२ का उम्मेदवार सिग्देलले शुरु गरे ‘डिजिटल सुझाव सङ्कलन’ अभियान

दुलेगौंडा, ११ फागुन । फागुन २१ निर्वाचन नजिकिदै जाँदा नेकपा एमालेका तनहुँ–२ का उम्मेदवार केदार सिग्देलले चुनावी अभियानलाई प्रविधिमैत्री बनाउँदै ‘डिजिटल सुझाव सङ्कलन’ अभियान सुरु गरेका छन् ।
परम्परागत शैलीको घरदैलो र भाषणमा मात्र सीमित नभई नागरिकका वास्तविक समस्या बुझ्न र आगामी कार्ययोजनामा जनसहभागिता सुनिश्चित गर्न प्रविधिलाई उपयोग गरेको सिग्देलले बताए । नेकपा एमालेका केन्द्रिय सदस्य समेत रहेका उनले सामाजिक सञ्जाल र क्युआर कोडको माध्यमबाट मतदाताका गुनासा, आवश्यकता र विकासका योजनाहरू सङ्कलन कार्य सुरु गरेका हुन् ।
नेताले बोल्ने र जनताले सुन्ने पुरानो परिपाटीलाई परिवर्तन गर्दै अहिलेको सयम अनुसार यो अभियान शुरु गरिएको हो । उनका अनुसार डजिटल माधयममा क्युआर कोड स्क्यान गरेर नागरिकले सिधै आफ्ना समस्या र सुझाव लेख्न सक्नेछन् । विशेषगरी वैदेशिक रोजगार र जिल्ला बाहिर रहेका मतदाताहरूलाई यो प्लेटफर्मले उम्मेदवारलाई मार्गदर्शन गर्न सहयोग पुग्ने विश्वास गरिएको छ ।
प्राप्त सुझावहरूलाई विज्ञहरूको टोलीले वर्गीकरण गरी प्राथमिकताका आधारमा भावी योजनामा समावेश गरिने सिग्देलको सचिवालयले जनाएको छ । यो अभियानले यसले मतदाता र उम्मेदवारबीचको दूरी कम गर्ने मात्र नभई तथ्याङ्कमा आधारित विकासको अवधारणालाई पनि बल पु¥याउने नेकपा एमाले तनहुँका उपाध्यक्ष राजेश्वर ढकालले बताए ।