श्री कृष्ण गंगा आ.विको व्यवस्थापन समितिको अध्यक्षमा मदन रानाभाट

चैत ,४ गते

घिरिङ गाउँपालिका वडा नम्बर –४  अवस्थित रहेको श्री कृष्ण गंगा आधारभूत विद्यालयको नया विद्यालय व्यवस्थापन समितिकोअध्यक्षमा  मदन रानाभाट चयन भएका छन् ।

बुधवार  विद्यालयमा भएको अभिभावकहरुको भेलाले रानाभाटको अध्यक्षतामा ९ सदस्यीय विद्यालय व्यवस्थापन समिति गठन गरिएकोहो । बैठक विद्यालय व्यवस्थापन समितिको जेष्ठ सदस्य मिन बहादुर विकको अध्यक्षतामा सम्पन्न भएको थियो। बैठकबाटअध्यक्षसहित नौ सदस्यीय विद्यालय व्यवस्थापन समिति गठन गरिएको छ।

समितिको अध्यक्षमा मदन रानाभाट चयन हुनुभएको छ भने सदस्यहरूमा संरक्षकमा घिरिङ –४ का वडा अध्यक्ष भिम बहादुर कुमाल, पदेन सदस्यमा  घिरिङ– ४ वडा सदस्य मन बहादुर रानाभाट , पुर्ण माया नेपाली ,खिना माया राना,नर बहादुर नेपाली , चमुना सोमै ,सितारानाभाट,,शिक्षक प्रतिनिधिबाट विरेन्द्र दरै तथा सदस्य सचिवमा विद्यालयका प्रधानाध्यापक बाबुराम रानाभाट रहनुभएको छ।नवगठितसमितिले विद्यालयको शैक्षिक गुणस्तर अभिवृद्धि, व्यवस्थापन प्रणाली सुदृढीकरण तथा अभिभावक र समुदायसँग सहकार्य गर्दैविद्यालयको समग्र विकासमा योगदान पुर्‍याउने अपेक्षा गरिएको छ।

यस्तै अभिभावक भेलाले चन्द्र सिंह विको अध्यक्षतामा ११ सदस्यीय शिक्षक अभिभावक संघ समेत गठन गरिएको विद्यालयकाप्रधानाध्यापक रानाभाटले बताए ।  अभिभावक संघको सदस्यहरूमा मधुमाया थापा,मतिसरा थापा,कल्पना विक,सोम माया नेपाली ,मनबहादुर थापा ,शिक्षक प्रतिनिधिमा पवित्रा रानाभाट, समर रानाभाट र पदेन सदस्यमा प्रधानाध्यापक बाबुराम रानाभाट रहनु भएको छ ।कार्यक्रममा पुर्व वि व्य स का अध्यक्ष, सदस्यहरू ,अभिभावकको बाक्लो उपस्थिति रहेको थियो भने  नि वर्तमान अध्यक्ष टंकलालरानाभाटले वर्तमान अध्यक्ष मदन रानाभाटलाई माईन्ट  हस्तान्तरण गर्नु भएको थियो ।