बाल विकास सहजकर्ताका लागि क्षमता विकास तालिम घिरिङमा सम्पन्न

जेठ , २ गते सम्मर रानाभाट

घिरिङ गाउँपालिकाको आयोजनामा सामुदायिक तथा संस्थागत विद्यालयका बालविकास सहजकर्ता तथा प्रराम्भिक कक्षामा अध्यापन शिक्षक शिक्षिकाहरूको लागि शैक्षिक सामाग्री निर्माण सम्बन्धी तिन दिने तालिम शुक्रवार समापन्न भएको छ ।बैशाख ३० गते देखि गाउपालिकाको सभाहलमा सञ्चालन भएको यस चरणको तालिम शुक्बार सम्पन्न गरिएको हो ।

गाउँपालिकाको सभाहलमा भएको तालिम समापन कार्यक्रममा  प्रमुख अतिथि घिरिङ गाउँपालिकाका अध्यक्ष होम बहादुर थापा रहनु भएको थियो । कक्षा सकिएको घण्टी बज्दा अझै एकछिन कक्षामा बस्न पाए हुन्थ्यो भन्ने बनाउनपर्ने उहाँले बताउनु भयो । विकासको जग शिक्षा र शिक्षाको जग प्रारम्भिक बाल विकास कक्षा भएको उल्लेख गर्दै। आमाबुबाका काखको मायाले हुर्किँदै गरेका बालबालिकालाई विद्यालयको वातावरणमा घुलमिल गराउने सिप कार्यान्वयन हुने अपेक्षा गरे ।

यस अन्तर्गत तेस्रो दिनको सहजिकरण प्रारम्भिक बाल विकास केन्द्रबाट ४ वर्षसम्मका (४८ महिनासम्मका) बालबालिकामा हुनु पर्ने सर्वाङ्गीण विकास सुनिश्चित गर्न बालबालिकाको स्तर पहिचान तथा उपचारात्मक रणनीतिमा तालिम केन्द्रीत थियो । यस अन्तर्गत सहभागीले शारीरिक, संवेगात्मक, सामाजिक, सांस्कृतिक, बौद्धिक तथा भाषिक विकासका पक्षहरू सम्बन्धित क्रियाकलापमा दैनिक कार्यतालिकामा आधारित रहेर सुक्ष्म शिक्षण समेत गरेका थिए । दैनिक कार्यतालिकामा आधारित रहेर सिकाइएको ज्ञान र सिप प्रयोग हुन्छ कि हुन्न, विद्यालय र कक्षाको नियमित अनुगमन गरिने शिक्षा शाखा प्रमुख कृष्ण प्रसाद सुवेदीले बताए ।

तालिमले हामीलाई परिवर्तन गरायो । तालिमपछि अनुभव सुनाउँदै सरास्वती माध्यमिक विद्यालयका सहभागि सम्झना घिमिरेले शिक्षक भएर होइन, घरकी आमा भएर स्नेहपूर्वक वातावरणमा सिकाउनु पर्ने महसुस हुनु तालिमको सबैभन्दा महत्वपूर्ण पक्ष रहेको बताइन ।

पहिलो चरणमा कवाज सम्बन्धी , बाल गित , लालि गुराश लगायतका का शैक्षिक सामाग्री निर्माण मा जोड् दिनु भएको थियो । कार्यक्रममा चन्द्र ज्योती माध्यमिक विद्यालयका प्रधानाध्यापक प्रेम बहादुर थापा उपस्तिथ रहनु भएको थियो । तालिमा घिरिङ गाउँपालिका भित्रका ३९ ओटा विद्यालयका शिक्षक तथा शिक्षिका सहभागी रहेका थिए । घिरिङ गाउँपालिकाका उपाध्यक्ष राधादेवी अधिकारीको अध्यक्षतामा भएको कार्यक्रम सायक शिक्षा अधिकृत पुष्पा थापा क्षेत्रीले कार्यक्रम संञ्चालन गर्नु भएको थियो ।