जनज्योति क्याम्पसद्वारा आयोजित स्वास्थ्य शिविर सम्पन्न, ७५० बढिले गराए परिक्षण 

चैत्र २९ , भिमाद 

जनज्योति क्याम्पस भिमाद द्वारा आज आयोजित बृहत निःशुल्क स्वास्थ्य शिविर सम्पन्न भएको छ । सामाजिक उत्तरायित्व अन्तरगत आयोजना गरिएको निःशुल्क स्वास्थ्य शिविरबाट  जनाले लाभ लिएको जनज्योति क्याम्पस भिमादका प्रमुख केशवराज काफ्लेले बताएका छन् ।

काठमाण्डौ मेडिकल कलेजको प्राविधिक सहयोगमा आयोजित निःशुल्क स्वास्थ्य शिविरबाट ७५० जना भन्दा बढिले सेवा लिएको जनज्योति क्याम्पस भिमादले जनाएको छ ।  शिविरबाट जनरल मेडिकल , स्त्री रोग, बाल रोग, दन्त रोग, आँखा रोग, मुटु रोग, शल्यक्रिया सर्जरी, मानसिक तथा नशा रोग , छाला तथा यौन रोग , नाक, कान, घाँटी, इसिजी , युएसजी, पिसाब जाँच , रगत परीक्षण लगायत विभिन्न सेवाहरु प्रदान गरिएको उनले बताएका छन् । 
 

अस्पताल सम्म पहुँच नपुगेका बिरामीहरूलाई स्वास्थ्य सेवाको दायरामा ल्याउनको लागि शिविरको आयोजना गरिएको जनज्योति क्याम्पस भिमादका अध्यक्ष जीत प्रकाश आलेले बताए । 

शिविरले गर्दा स्वास्थ्य परिक्षण र ठुला उपचार गर्न काठमाण्डौ ,पोखरा जान पर्ने समस्या न्यूनीकरण भएको सेवाग्राही रिता आलेले बताएकी थिइन् ।